Жаңалықтар
19 қаңтарда танымал ақын, суретші және аудармашы Кристина Зейтунян-Белоуспен онлайн кездесу өтті.
Іс-шараны Абай Құнанбаевтың әдеби-мемориалдық мұражайы және Қарағанды қаласының Француз Альянсы ұйымдастырды. Іс-шара Ұлы Абайдың шығармашылығына арналды. Парижде тұратын Кристина да Абай Құнанбаевтың өлеңдерін француз тіліне аударған. Кристинаның есебінде 60-тан астам кітаптың орыс тілінен француз тіліне аудармасы бар.
Онлайн-кездесуге Топар кентінің мектеп оқушылары, Орталық балалар кітапханасының қызметкерлері, "Жас өлкетанушы"үйірмесінің мүшелері қатысты. Іс-шараның мақсатын айтып, мұражай қызметкерлері слайд арқылы Абай Құнанбаевтың әдеби-мемориалдық музейінің залдарын көрсетіп, барлығын қонаққа шақырды. Содан кейін Кристина Зейтунян-Белоуспен әңгіме болды. Ол өзінің шығармашылық жолы туралы айтып, Абайдың француз тіліндегі бірегей кітаптарын, өлеңдер жинағын, қазіргі қазақстандық ақындардың француз тіліндегі өлеңдер жинағын көрсетті.